По повод 45 години од основањето на објектот „Парк“ дел од градинката „13 Ноември“, градоначалникот на Општина Центар Горан Герасимовски заедно со претседателот на Владата Димитар Ковачевски и министерката за труд и социјална политика Јованка Тренчевска ја посетија градинката каде неодамна беа извршени реконструктивни зафати. Станува збор за молерисување на сите простории во градинката, набавка на нови детски шкафчиња, масички, столчина и друг детски мебел во сите осум занимални. Дечињата кои ја посетуваат градинката градинката „13 Ноември“ објектот Парк добија и нови играчки и едукативен дидактички материјал. Градоначалникот на Општина Центар Горан Герасимовски при денешната посета истакна дека континуираното вложување во предучилишните установи го подобрува квалитетот на воспитно образовниот процес кај децата.